A Mesa local contra a violencia de xénero do Porriño, na que se atopan representados todas os axentes que actúan no municipio, reuníuse hoxe para abordar de maneira conxunta diversos temas relacionados coa atención ás vítimas e a prevención da violencia machista.
Uns 200 estudantes de 6º de Educación Primaria do Porriño visitaron as instalacións da escola de motociclismo do IKERIC RACING Sport Galicia. Foron un total de seis visitas nos días 17, 18 e 19 de xuño organizadas pola concellería de Educación xunto coa propia escola deportiva, coa finalidade de acercar o motociclismo á rapazada e despertar o interese nesta disciplina deportiva.
Esta mañá 141 escolares do Porriño deron o pistoletazo de saída a Porrigalia coa súa particular PrePorrigalia, unha festa infantil que chega xa á súa terceira edición, organizada polas concellerías de Cultura e Educación.
O Concello de Porriño ten autorizadas 16 fogueiras para festexar a noite de San Xoán, o vindeiro domingo 23 de xuño. Unhas celebracións cheas de tradición e, tamén, de seguridade, para garantir unha velada coas menos incidencias posibles.
O novo desafío de ‘Eureka Reto Rural’ ten nome e apelido: Antonio Palacios. O arquitecto será o gran protagonista do escape room do Porriño, escenario da sexta proba desta iniciativa posta en marcha por Eu Rural e o Xeodestino Ría de Vigo e Baixo Miño, un produto turístico diferente e orixinal co que achegar ao público ao territorio a través de xogos de escapismo temáticos ao aire libre, de forma dixital, de balde e para todos os públicos.
Esta mañá tivo lugar no Porriño unha mesa local de saúde á que estaban convocados todas as entidades e colectivos implicados do Concello, coa finalidade de detectar as principais necesidades en materia de saúde pública e promover un estilo de vida saudable entre a poboación. Esta Mesa pretende poñer o foco sobre os recursos dos que se dispoñe nos diferentes servicios existentes e unha posta en común das ideas e suxestións dos diferentes axentes sociais na procura dun Porriño que potencie hábitos e comportamentos o mais saudables posibles.
Escolares e profesorado dos centros educativos do Porriño viviron evacuacións realistas nos seus centros, guiados pola Policía Local. Soamente os directores/as dos centros estaban ao corrente destes simulacros, para que a experiencia fose o máis real posible.
O Concello de Porriño ride homenaxe ao Grupo Zendal pola súa traxectoria e labor social otorgándolle o I Premio Antonio Palacios á Empresa. A entrega dos premios terá lugar mañá ás 21.00 horas, durante a ceremonia de celebración do centenario da Casa Consistorial.
O Concello de Porriño recoñece o labor e os éxitos do Club Balonmano Porriño co I Premio Antonio Palacios ao Deporte, que será entregado o vindeiro sábado día 15, durante a celebración do centenario da Casa Consistorial.
Centos de ciclistas volverán rodar no Porriño na gran Volta ao Val. O domingo 16 de xuño disputarase a cuarta edición do Gran Premio Concello do Porriño Élite e Sub-23, organizado polo Club Master da Louriña en colaboración co Concello do Porriño e a Deputación de Pontevedra.
O Concello do Porriño dá un paso máis na humanización da contorna do centro social que acondicionará as rúas Antonio Palacios, Domingo Bueno, Ramón González e Pío XII creando un gran espazo público.
O Concello do Porriño anunciou hoxe os gañadores do Premio Antonio Palacios ao Social, un recoñecemento compartido entre a Rondalla de Pontellas e a Rodalla Santa Eulalia de Atios.
