O Concello pretende ser a casa do pobo, o espazo onde conviven as distintas familias políticas que representan os intereses dos cidadáns da nosa cidade. O lugar onde se propoñen as melloras administrativas orientadas a garantir a calidade de vida dos veciños, o espazo onde se resolven os conflitos de interese, onde reside a voz e o poder do pobo.
O Concello de O Porriño e a súa Corporación, está ao servizo directo dos cidadáns. É unha cámara aberta e representativa que procura aportar o mellor dos profesionais que aportan o seu tempo e dedicación ao servizo da comunidade, independentemente da súa cor política.
Un Concello é un concepto político no que os profesionais delegados polo pobo nas eleccións democráticas, traballan aportando o seu valor engadido como xestores executivos e lexislativos dentro das súas capacidades administrativas e funcionais do seu territorio, así como das persoas que nel habitan.
O Concello de O Porriño é a vosa casa, é o espazo onde a cidadanía ten a súa voz, a súa representación; é onde se atopa o poder delegado polo pobo nos políticos que nela traballan, xunto aos funcionarios e traballadores e traballadoras que fan posible o funcionamento da maquinaria administrativa; é o voso centro, o voso punto de unión onde conflicten os intereses do nosa cidade.
Dende a Corporación Municipal queremos invitarvos a coñecer a vosa Casa Municipal, descubrir os espazos de traballo, participar nos procesos de poder cidadán, formar parte da vida política da cidade. Colaborar xuntos na historia e realidade actual do noso pobo, traballar pola mellora continua da cidade, e participar no desenvolvemento da nosa comunidade.
Non haberá límites se todos traballamos xuntos polo ben común.
Moitas grazas por participar e dedicalo teu tempo a coñecer a web do Concello de O Porriño. Estás na túa casa.
