Moitos lugares do globo súmanse este sábado á ‘Hora do Planeta’ (Earth Hour), impulsada polo Fondo Mundial para a Natureza (WWF) na que o ano pasado participaron milleiros de cidades de 187 países do mundo que apagaron máis de 12.000 monumentos e edificios icónicos para chamar a atención sobre a perda de biodiversidade que está a causar o cambio climático.
O Porriño súmase a esta iniciativa, xunto con 447 concellos de toda España, 22 deles en Galicia- como Vigo, Nigrán,Marín, Pontevedra, Sanxenxo, Santiago, Lugo, Ourense, A Coruña ou Ferrol - centos de organizacións de decenas de miles de cidadáns, e de 8 e media a 9 e media da noite deste sábado a iluminación do Concello estará apagada nun xesto que servirá para “conectarse con el planeta”, sinala a alcaldesa.
https://www.youtube.com/watch?time_continue=1&v=GIAmZ7127DI
Eva García de la Torre subliña o feito de que, como advirto o Fondo Mundial para a Natureza e os datos científicos e os investigadores, dende biólogos a hidroclimatólogos, “como estamos a comprobar, vivimos o período máis cálido da historia, con vagas de calor e secas debido ao cambio climático que, ademais, é xa unha causas máis salientábeis da perda de biodiversidade”.
Por iso, anima a todas as veciñas e veciñas do Porriño a secundar este chamamento e durante esa hora- de 8 e media a 9 e media da noite deste sábado- a apagar as luces da casa e sumarse a este xesto.
