Este sábado O Porriño convertirase na capital galega do Tríatlon cunha das súas probas estrela. O Concello do Porriño, coa colaboración do Concello de Tui, organiza este sábado a novena edición do Tríatlon Concello do Porriño.
O alcalde, Alejandro Lorenzo, acompañado polo concelleiro de Deportes de Tui, Rafael Estévez, o concelleiro de Deportes do Porriño, Abel Estévez, o presidente da Federación Galega de Tríatlon, Javier Campos, e o padriño da proba, o campión do mundo Pablo Dapena.
Pablo Dapena, padriño do IX Tríatlon Concello do Porriño
O triatleta pontevedrés conta cun importante palmarés na súa traxectoria deportiva: foi Campión do Mundo de Tríatlon de larga Distancia en 2018 e Subcampión do Mundo en 2019. Tamén Subcampión de Europa en 2018 e bronce dúas veces no Campionato Europeo de Ironman 70.3, no 2019 e 2022.
Dapena destacou que se ben coñece ben as rúas do Porriño pola súa participación noutras probas non fixo nunca este triatlón “e cando me poñe máis en forma seguramente veña aquí a participar, pero é unha verdadeira honra apadriñar esta proba que é todo un referente do tríatlon galego”.
No mesmo sentido se manifestou o concelleiro de Deportes do Porriño, Abel Estévez, incidiendo en que “é unha proba de referencia en Galicia, sobre todo no coidado das transicións” e tamén destacou “a sorte de contar colaboración co Concello de Tui para poder disputar a proba no Miño, un encrave inmellorable, polo que sempre estaremos enormemente agradecidos”.
O seu homólogo en Tui, Rafael Estévez, respondeu indicando que “O Porriño contará sempre con Tui para realizar esta proba” e quixo agradecer a todos os que participan da organización tudense na proba, “empezando polo Comandante Naval do Miño, que sempre colabora na organización. No río ese día haberá 9 embarcacións e 15 piraguas, socorristas e buzos para asegurar este tramo, quero destacar o labor de Protección Civil, Club Kayak Tudense, Club Remo do Miño, Club Remo de Tui, Piragüismo Penedo e o Club Inclusivo do Baixo Miño”. Estévez destacou tamén, que no tramo de estrada hai 41 cruces e garantir a seguridade require de moita xente, “temos que dar as grazas pola súa colaboración de todos os clubs que, ademais da Policía Local, participan para asegurar este tramo, como a Peña Club Biciosos das Rías Baixas, Locos polas Bicis”.
Pola súa banda, o presidente da Federación Galega de Tríatlon, Javier Campos, salientou a alta participación deste evento que roza os 200 deportistas e animou á xente a participar e tamén a disfrutar como público.
O alcalde, Alejandro Lorenzo, pechou a presentación agradecendo “a todos os que participan na organización desta proba que na súa novena edición está máis que consolidada no calendario galego e se converteu en todo un referente do Tríatlon”. Lorenzo agradeceu aos voluntarios e voluntarias que se volcan para facer posible esta proba, ao Concello de Tui “pola súa inestimable colaboración” , Policía Local e Protección Civil do Porriño, aos técnicos de deporte de ambos concellos e ao Club Atletismo Porriño - Tríatlon. O rexedor concluíu convidando á veciñanza do Porriño e da contorna “a achegarse e disfrutar do espectáculo que ofrecen os triatletas, dannos cada ano unha lección de superación, esforzo e deportividade”.
O Tríatlon comezará en Tui, como cada ano, cun tramo de 750 metros de natación no río Miño, nas inmediacións do porto deportivo. O tramo en bicicleta percorre 20,2 kilómetros, entre Tui e O Porriño, e a carreira pedestre de 5 kilómetros disputarase no casco urbán do Porriño.
Os/as deportistas gañadores/as de cada categoría e xénero recibirán, ademáis do trofeo, 150€, 100€ e 50€, para o primero/a, o segundo/a e terceiro/a clasificados/as, respectivamente. O primeiro clube masculino e feminino tamén recibirán 200€.
Tríatlon Mini para os cativos e cativas
A cativada poderá participar no Tríatlon Mini, unha proba para rapaces e rapazas de entre 4 e 10 anos. Os participantes terán que ir acompañados en todo momento por un adulto, e deberán nadar 25 metros na piscina do pavillón municipal do Porriño, 700 metros en bicicleta ata a Igrexa de Santa María, e a carreira de 300 metros a pé ata a plaza do Arquitecto Antonio Palacios. Esta proba terá lugar o mesmo sábado 8, ás 11:00 horas. En cada unha das disciplinas esperarase a que tódolos participantes estén listos para comezar.
Participantes Tríatlon Mini Concello do Porriño 2023
Inscricións para o IX Tríatlon Tui Porriño
A inscrición para o Tríatlon Tui – Porriño está aberta ata o 5 de xuño na web triatlonconcellodoporrino.com; e para o Tríatlon Mini, directamente na piscina do pavillón municipal do Porriño ou no teléfono 986 34 44 20.
