O “Porriño Street Festival”, unha nova proposta lúdica que formaba parte da programación das Festas do Cristo, celebraráse finalmente mañá sábado 12 de outubro, entre as 10 da mañán e as 18 horas, na praza Arquitecto Antonio Palacios.Este evento tivo dous aprazamentos anteriores durante o mes de setembro polo mal tempo.
Mañá sábado terá lugar a segunda representación do ciclo de “Teatro para Adultos” coa función “Un hotel de primeira sobre o río” a cargo da compañía “Escoitade”. Este ciclo está promovido polo Concello do Porriño e enmarcado no Circuito Galego de Teatro Amador da Federación Galega de Teatro Afeccionado (FEGATEA).
Porriño foi a cuarta parada do proxecto cultural “Camiño a dentro/ O teu Xacobeo”, unha acción promocional que desenvolven Deputación de Pontevedra e Xunta de Galicia. Porriño acolleu hoxe unha das dez accións artísticas que se planificaron en distintos concellos polos que pasan o Camiño Portugués e o Camiño pola Costa.
O equipo do Porriño Baloncesto Base acadou unha meritoria victoria contra o Bulevar Ávila, por un claro 73/61 a favor do equipo local. Foi o arranque da tempada para os porriñeses que comezan a súa nova andaina na Liga EBA. E co alciente da estrea do novo aspecto da pista 2 do Polideportivo Municipal despois das obras de reforma realizadas.
José Ramón Lete Lasa, Secretario Xeral para o Deporte comprometuse con David Alonso, concelleiro de Deportes, a visitar en breve Porriño para analizar sobre o terreno posibilidades de cooperación entre a Xunta de Galicia e o Concello do Porriño.
David Alonso, concelleiro do goberno municipal que asumiu a organización das Festas do Cristo 2019, realizou hoxe unha avaliación dos festexos que calificou como “moi satisfactorios”. Dende o Concello do Porriño “valoramos que a xente quedou encantada coas actuacións elixidas e coas novidades que incorporamos na programación como a Banda no Bus que levou a animación de xeirto itinerante ós barrios e parroquias do concello que o valoraron moi ben”, suliñou David Alonso.
O vindeiro xoves día 3 de outubro, Concello do Porriño, a asociación de comerciantes ACIPOR e a asociación de hostaleiros AHOSPOR farán balanzo da XXVI edición da Festa dos Callos que se celebrou onte.
A Biblioteca do Porriño informa da apertura do plazo de inscricións para as actividades formativas do último trimestre do ano que denomina “Traballando na aprendizaxe permanente”. Trátase de accións non académicas que teñen como obxectivo o desenvolvemento do cidadán no plano laboral, social e persoal para afrontar as necesidades dun presente sempre cambiante.
Dende este xoves 26 de setembro, permanecerán expostas as listas coa orde da matrícula para o curso 2019-2020 que se poden consultar na Escola Municipal de Música e no Centro Cultural Municipal do Porriño.
A Policía Local informa dunha serie de cortes e restriccións de tráfico que se realizarán mañá venres co gallo de diversos eventos deportivos, no abeiro da programación das Festas do Cristo.
As dúas mangas no que estará dividido o primeiro Rally Mix “Concello do Porriño” discurrirán entre o centro da vila, A Graña e A Risca, ó longo da tarde do sábado 28 e a mañán do domingo 29.
Trinta e sete establecementos de hostalería de Porriño participarán finalmente o vindeiro domingo na XXVI edición da Festa dos Callos. O certame é o principal evento gastronómico do ano en Porriño e constitue un dos principais reclamos dos festexos do Cristo que rematarán ese día 29.
