Este xoves 9, a partir das 18 horas, a corporación municipal celebrará un pleno extraordinario. O primeiro punto da orde do día é o coñecemento da dimisión da alcaldesa presentada por Eva García de la Torre, segundo anunciou publicamente en rolda de prensa o pasado 23 de novembro.Ademais, a orde do día da sesión inclúe oito puntos máis.Adxuntamos un documento en "pdf" coa orde do día.
Eva Garcia de la Torre anunciou este mediodía a súa renuncia á alcaldía de Porriño. A dimisión xa é oficial e efectiva tras ser presentada diante do Rexistro Xeral do Concello, ás 12:52 horas, unha vez concluída a comparecencia de Eva Garcia, ante un nutrido grupo de xornalistas dos medios galegos.
Un ano máis, o Concello do Porriño, para conmemorar o Día Internacional dos Dereitos daInfancia, celebrará un Pleno Infantil, coa participación de nenas, nenos e adolescentes domunicipio.O Pleno celebrarase o venres 19 de novembro, ás 10:30h da mañá no salón de sesións do Concello, onde acudirán unha voceira e un voceiro de cada centro de ensino do municipio, en representación de todas as nenas, nenos e adolescentes. En total participarán os dez centros do municipio; sete colexios, dous institutos e a asociación ACEESCA.A temática deste ano, seguindo as indicacións do Comite de Unicef Galicia, será o medio ambiente. As persoas participantes xunto coas compañeiras e compañeiros do seu centro, están debatindo, reflexionando e preparando as propostas que presentarán no pleno para que o Concello do Porriño sexa máis sostible e sexa quen de axeitarse mellor aos impactos do cambio climático.
Eva García recibiu na Alcaldía a Francisco Alonso, representante da empresa "SCG Servizos dos Concellos Galegos", empresa adxudicataria da recente licitación do contrato de recollida de lixo. Así mesmo, “SCG” encargarase da recollida selectiva e da xestión do Punto Limpo.
Carla Godoy Magalhaes e Nicolás Freiría Casal serán os dous representantes da infancia e adolescencia porriñesa que asistirán no Parlamento de Galicia mañá martes 16 ao Foro de Participación Infantil e Adolescente. Este encontro, organizado polo Parlamento autonómico e o Comité de Unicef Galicia, celebrase anualmente para conmemorar o Día Internacional dos Dereitos da Infancia. Rapaces e rapaces de toda a Galicia que forman parte dos consellos municipais da Infancia e adolescencia trasladarán aos grupos políticos do Parlamento e ao goberno da Xunta de Galicia as propostas que estiveron deseñando o pasado mes de outubro no encontro autonómico. A temática deste ano é o medio ambiente e as propostas da mocidade versan sobre as posibles actuacións que debe levar a cabo o goberno autonómico para que Galicia sexa unha comunidade máis sostible.
A alcaldesa, Eva Garcia presidiu hoxe a presentación do "Pinchoneno 2021" que terá lugar o vindeiro sábado 20 de novembro, baixo carpa e cun aforamento limitado a 200 participantes, no Parque do Cristo. O prazo de inscrición está aberto e as reservas realízanse no enderezo de correo electrónico pinchoneno@gmail.com ata o 18 de novembro.
Eva Garcia, alcaldesa do Porriño celebra dúas decisións xudiciais que acaban de coñecerse esta semana e que veñen avalar actuacións do goberno municipal que ela preside. Por unha banda, o TACGAL avalou ao Concello na concesión do contrato de recollida de lixo no último concurso. E por outra banda, o Tribunal de Contas do Reino rexeitou, por terceira vez, a pretensión do portavoz municipal do PP de esixir responsabilidades económicas por contratación irregular.
A alcaldesa Eva García presidiu hoxe a presentación de "O Pinchorriño", a décimo quinta edición das xornadas de pinchos no Porriño que arrancarán o vindeiro venres día 5, coa participación de 27 establecementos.
A corporación municipal acordou no último pleno ordinario, unha reprobación á alcaldesa polo sucedido no pleno extraordinario do venres 22 de outubro. O acordo chegouse, por maioría, con 10 votos do Partido Popular e EU SON, o grupo municipal que fixo a proposta por moción. O PSOE, BNG e UDDL votaron en contra.
A alcaldesa Eva García e os técnicos de ADIF especificaron hoxe nunha reunión telemática que o tramo de lousa que cubrirá o ferrocarril para eliminar o paso a nivel actual teña unha lonxitude de 320 metros. De xeito que a alcaldesa conseguiu que prosperase a petición municipal e que ADIF amplíe a lousa por outros 120 metros (60 por cada lado) con respecto á proposta inicial que aparecía no proxecto de obra, que era de 200 metros.
Por segundo ano consecutivo, O Porriño súmase ao Encontro Autonómico de Consellos da Infancia e da Adolescencia, organizado por UNICEF Comité Galicia que vai ter lugar mañá venres 22 e o sábado 23. O encontro desta volta será telemático para protexer o benestar das persoas participantes.
