As solicitudes para autorizar as cacharelas deben presentarse no Rexistro Xeral do Concello ou a través da sede electrónica antes das 23 h do 17 de xuño
O Concello do Porriño quere dinamizar a súa Praza de Abastos e achegala á cidadanía. Con este propósito, o vindeiro sábado 28 de maio, organiza “MercaPorri”, unha actividade dirixida aos nenos e nenas na que poderán canxear o seu “diñeiro MercaPorri” por regalos e sorpresas nos diferentes postos da praza, á vez que coñecen como funciona o mercado e os produtos que este ofrece.
O pasado 24 de abril máis de 20.000 runners déronse cita na 10ª Maratón de Brooklyn e, entre eles, a porriñesa Ana Belén Gómez Sousa que se impuxo na súa categoría.
323 alumnos/as de de 5º e 6º de primaria do Porriño amplían a súa formación cun obradoiro de eco-percusión no que aprenden nocións básicas sobre como tocar a caixa, o tambor e a batería.
“Clover, unha porquiña diferente” é finalista no premio literario Frei Martín Sarmiento. A autora, a porriñesa Beatriz Cabaleiro, foi recibida no Concello polo alcalde, Alejandro Lorenzo, e os concelleiros de Cultura e Educación, Bienvenido Estévez e Carolina González, para darlle a noraboa pola súa nominación e desexarlle moita sorte.
O club de lectura da Biblioteca Municipal do Porriño celebra este ano o Día do Libro e o Día das Letras Galegas dun xeito moi especial: con varias actividades en aberto que enlazarán as dúas festividades, a do 23 de abril e a do 17 de maio, nun programa que leva como título “Do Libro ás Letras”. Calquera persoa interesada está convidada a unirse ao club de lectura os días 18 de abril e 2 e 16 de maio na Biblioteca, en horario de 18 a 19:30 horas, nuns encontros especiais que porán en valor tanto os libros como a riqueza do mundo das letras.
O alcalde do Porriño, Alejandro Lorenzo, e a concelleira, Antía Carrera, participaron hoxe na celebración do Día Internacional do Pobo Xitano do CEIP da Ribeira, en Torneiros.
O alcalde, Alejandro Lorenzo, e a concelleira de Patrimonio, Antía Carrera, mantiveron unha xuntanza con representantes da Diócese de Tui-Vigo para abordar a rehabilitación da capela do Cristo.
A Xunta Local da AECC no Porriño está a desenvolver a campaña de prevención do cancro colorrectal entre a poboación maior de 50 anos, con motivo do Día Mundial para a Prevención do Cáncro de Colon que se celebra cada 31 de marzo.
