A Concellería de Vías e Obras vén de concluír os traballos de mellora no barrio da Igrexa, na parroquia de Pontellas que, como sinala Manuel Carrera, abrangueron o pavimentado e sinalización no lugar no que se transformara un camiño nunha nova estrada “moito máis e ancha, segura e transitable por vehículos e peóns”, e a extensión da rede municipal de saneamento ás vivendas da zona.
O vindeiro venres, día 26, ás 7 da tarde, o Auditorio do Centro Cultural do Porriño será o escenario da proxección do documental ‘Santa Liberdade’ e do posterior coloquio coa súa directora, Margarita Ledo Andión.
A Concellería de Ensino e Participación Cidadá do Concello de Ponteareas, que dirixe Cristina Fernández, abre fronteiras para que as trinta ‘Meninas’ realizadas por colectivos e centros de ensino de toda a área metropolitana expoñan a súa beleza e creatividade nos diferentes concellos veciños. Organizadas por quendas, as Meninas visitarán os concellos de Mondariz, Mondariz Balneario, Salceda, Covelo, As Neves, A Cañiza e O Porriño.
A parte do vial do lugar de Catrocamiños que da entrada ao CEIP Plurilingüe de Atios, terá a partir da semana que vén un ancho de 10 metros, “o establecido pola lei”, logo do remate dos traballos que están a realizarse neste lugar.
A Concellería de Limpeza do Porriño, que dirixe Orlando Márquez, vén de poñer en marcha a instalación de 6 composteiros no barrio de San Sebastián, coma “primeira medida do Plan Revitaliza da Deputación de Pontevedra, que permitirá a reciclaxe de restos orgánicos das vivendas do concello”.
A alcaldesa, Eva Garcia de la Torre, xunto con Uxío Benítez, deputado provincial de Mobilidade da Deputación de Pontevedra, e o concelleiro de Vías e Obras, Manuel Carrera, supervisou hoxe as obras realizadas polo organismo provincial para reordenar o tráfico e mellorar a seguranza viaria na estrada provincial EP-2405 entre Cerquido e Budiño, no lugar de A Costeira.
Axentes da Policía Local recibían ás 17:22 horas de este venres, día 5 de outubro, a chamada dun condutor que circulaba pola N-550, en dirección a O Porriño, informando de que o coche que ía diante do seu estaba a facendo ‘zig-zag’ e,as veces, entrando no carril contrario.
O arqueólogo Eduardo Méndez-Quintas-quen o pasado mes de xullo dirixiu xunto a Manuel Santonja, do Centro Nacional de Investigación sobre a Evolución Humana (CENIEH) o reinicio da investigación no xacemento paleolítico de As Gándaras de Budiño- volve ao O Porriño este xoves, día 4 de outubro, para pronunciar no Centro Cultural Municipal (ás 8 da tarde) unha conferencia na que adiantará os primeiros resultados dos derradeiros traballos arqueolóxicos que, co apoio do Concello, desenvolvéronse neste lugar.
Un total de 24 vivendas do barrio de A Gándara, en Torneiros, que ata hoxe eran usuarias da traída veciñal, poderán conectar coa Rede Municipal de Abastecemento en canto rematen os traballos que está a realizar nesta zona a Concellería de Vías e Obras.
Dezaseis veciñas e veciños do Porriño en situación de desemprego empezan o luns, 1 de outubro, un obradoiro de emprego de garantía xuvenil, remunerado, de 6 meses de duración, impulsado polo Concello en colaboración coa Xunta de Galicia.
O Porriño será este sábado, día 29, ás 10 e media da noite, o ‘primeiro paso’ da xira do espectáculo ‘Noites de flamenco e blues’, da man de Raimundo Amador e Javier Vargas e a a súa ‘Vargas Blues Band’.
¿Queres probar os “mellores callos do mundo”?, o domingo que vén, día 30, en plenas Festas do Cristo, os entusiastas deste plato poderán gozar del en 38 locais do Porriño: Amaquía, A Capela, A Francachela, Adega de Montero Vinoteca, Argentino 2, Bar Celtiña, Bar Liceum, Café Bar Adèle, Cafetería Alameda, Cafetería El Sol, Cafetería O Porriño, Cafetería Platinum, Cafetería Rami, Cafetería Xuntos, Cólleo con Pinzas, El Alambre del Abuelo, Elcincuentaicinco, Hamburguesería Fran, Hotel Parque, La Bici, La Cueva, La de Chato, La Pantera Rosa, Los Milagros Panadería, Maloserá, Mesón Mondariz, Milenium 33, O Xantar de Pepa, Paso a Nivel, Restaurante Manolo, Restaurante Pontenova, Restaurante Val da Louriña, Saspi, Scala, Tapería Maracaibo, The Classic, Timarsane, en Torneiros, e Zentral.
