A Concellería de Educación e Normalización Lingüística e a OMIX do Concello do Porriño convocan o III Concurso Escolar de Carteis de Entroido como xeito de promover esta festa entre a veciñanza, sobre todo entre o sector da poboación máis nova.
O Concello de Porriño informa da publicación no Boletín Oficial da Provincia (BOP) das bases para a concesión de axudas en materia de rehabilitación e vivenda no entorno residencial de Torneiros. Ábrese agora, pois, previamente á solicitude, un período de información e asesoramento para a obtención da documentación necesaria para o cal dende o Concello poñen a disposición da veciñanza interesada un servizo de asesoramento e atención personalizada, que poderá ser de xeito presencial, con cita previa, ou por teléfono, chamando ao 986 335 000, de luns a venres, de 09.00a 14.00 horas.
A humanización do antigo campo da feira do Porriño coñecido agora como Parque Infantil será en breve unha realidade logo de dúas recentes licitacións de obras que complementan a que xa está a piques de rematar e que supoñen, todas xuntas, unha inversión que supera o millón de euros.
O Concello do Porriño presentou esta mañá unha iniciativa innovadora de atención cidadá. “Trátase dun servizo pioneiro en España, co que reafirmamos o noso compromiso coa proximidade e a atención directa á nosa veciñanza”, sinala o alcalde Alejandro Lorenzo. Consiste nunha oficina itinerante que percorrerá as sete parroquias e todos os barrios do Porriño ofrecendo un servizo integral de atención cidadá.
O Concello do Porriño vén de adxudicar a obra para o acondicionamento do local que albergará a Sala de Exposicións Antonio Palacios, un museo no que se mostrará, a través de diferentes materiais, a traxectoria profesional e tamén persoal do artista, algúns deles incluso inéditos e descoñecidos ata o día de hoxe.
O Concello do Porriño porá o broche de ouro á programación de Nadal o vindeiro domingo, día 7 de xaneiro, con deporte e música. Pola tarde terá lugar o tradicional encontro de Rondallas, pero a actividade comezará xa de mañá coa celebración da Carreira de Reis.
As Súas Maxestades de Oriente chegan con antelación a Porriño. Así, ademais da tradicional cabalgata na véspera do día de Reis polas rúas da vila, Melchor, Gaspar e Baltasar farán esta tarde un percorrido por tódalas parroquias, iniciándose ás 16.00 horas en Budiño e rematando ás 20.00 horas en Torneiros.
O Concello do Porriño pon en marcha este Nadal unha nova iniciativa pensada no sector da poboación máis maior. Trátase dun autobús que percorrerá a vila para que as persoas de 65 anos en adiante poidan contemplar a iluminación e decoración de Nadal dun xeito máis cómodo e confortable.
A Policía Local do Porriño informa de cortes de tráfico no centro urbano. Estas terán lugar o día de hoxe desde as 15:30 h ata as 20:00 h dende o número 1 da Rúa Domingo Bueno ata a intersección coa Rúa Pío XII para a montaxe da carpa da festa de pre fin de ano. O mesmo tramo cortarase novamente ao tráfico desde as 9:00 h do Sábado 30 ata as 6:00 h do Domingo 31.
O Porriño prepárase para despedir o 2023 por anticipado. Un ano máis, o Concello organiza unha xornada, a deste sábado 30 de decembro, chea de actividades para todas as idades e xa dende a mañá.
