Aerobic, zumba, ximnasia, pilates, teatro, pintura, música e baile tradicionais, coro, playback, acordeón, costura, labores, manualidades, arte floral e incluso poda e enxertos. Así de variada é a listaxe de cursos formativos e de lecer que dende o Concello do Porriño ofrecen ás 16 asociacións culturais e de veciños de todo o termo municipal.
O estado impracticable no que se atopan as dúas pistas de pádel que o Concello do Porriño dispón nas inmediacións do polideportivo municipal fai que cada día os usuarios que rexistra sexan menos, ao que se lle une ademais un taxa pola súa utilización, que data en 2017.
O Concello do Porriño acolle un evento de scalextric primeiro nivel, será da man do Slot Club Porriño, na súa sede localizada no número 2 da rúa Ourense. Trátase do Campionato Ibérico Legend organizado pola marca SRC. A competición celebrarase ao longo deste sábado, 4 de febereiro, e contará coa participación de máis de 40 pilotos procedentes de toda Galicia e do Norte de Portugal.
A Biblioteca Municipal do Porriño, dependente da concellería de Cultura , rexistrou no 2022 o seu récord histórico de préstamos e un alto índice de participación nos seus servizos e actividades. Así o sinalan os datos contabilizados o pasado ano que, con 27.747 préstamos, rexistran un incremento dun 21%, situando á Biblioteca do Porriño á cabeza do ranking galego xunto ás grandes cidades.
O Concello do Porriño prepara xa o Entroido 2023 e vén de publicar as bases nos desfiles de comparsas que se celebrarán o sábado 18 de febreiro e martes 21 de febreiro.
O Porriño puxo onte o broche final aos festexos do Nadal 22-23 ao son das rondallas. Preto de mil rondalleiros e rondalleiras de dez agrupacións do Porriño, Mos, Tui, Nigrán e Gondomar puxeron en pé ao público que ateigou o pavillón municipal, que colgou o cartel de aforo completo.
O Concello do Porriño ten o pracer de anunciar a visita das Súas Maxestades os Reis Magos de Oriente. Melchor, Gaspar e Baltasar chegarán ao Porriño en camello o día 5 de xaneiro. Irán acompañados dun enorme séquito formado polos seus paxes reais, a rondalla de Atios, a rondalla de Pontellas, o Tren do Nadal, os seus amigos da Patrulla Canina e moitos persoaxes que farán as delicias dos máis pequenos e pequenas na noite máis máxica do ano.
Ante as previsións meteorolóxicas para o vindeiro venres 30 a celebración do Pre Fin de Ano no Porriño trasládase á rúa Domingo Bueno. Alí, instalarase unha gran carpa de preto de 1.000 m2 que acollerá todas as actividades da programación.
A ilusión das nenas e nenos son o motor do Nadal e por iso, o Concello do Porriño preparou unha gran festa infantil para poñer o broche e final ás celebracións: O Porriño PequeFest.
A carreira San Silvestre 2022 Concello do Porriño disputarase o 30 de decembro. Terá un percorrido moi accesible, urbano, de tan só 2 quilómetros e estará aberta a todas as idades.
Porriño volverá ser epicentro do ciclocrós galego esta fin de semana da man da Asociación Deportiva Avanza. O campo de fútbol de Chenlo acollerá a quinta edición do Trofeo Ciclocrós Avanza Concello do Porriño, organizado polo club porriñés e o Concello do Porriño como principal patrocinador.
O IES Ribeira do Louro acolleu onte a entrega do V Premio Vidal Bolaño, que este ano recoñeceu a José Luis Baños de Cos pola súa obra “Lume”, unha obra moi acaída pola temática e pola linguaxe empregada para a súa representación ou lectura nos centros de ensino secundario.
