Con motivos das Festas do Cristo do Porriño, o músico Pancho Álvarez impartirá un obradoiro instrumental dirixido a nenos e nenas de entre 8 e 13 anos de idade, que terá lugar os días 18 e 19 de setembro ás 17:00 h no Centro Cultural Municipal.
O Concello do Porriño quere reforzar a súa aposta pola inclusión cunhas Festas do Cristo sen barreiras e para todos e todas. Retomando a iniciativa do ano pasado, deseñáronse espazos e servizos que buscan garantir a participación de todas as persoas, independentemente da súa condición.
As noites de humor regresan ao Porriño polas Festas do Cristo. Seis grandes monologuistas daranse cita na praza Arquitecto Palacios este mes de setembro para facer as delicias dos amantes da comedia. Como sempre, a entrada é gratuíta, so hai que achegarse á praza con ganas de pasalo ben.
Máis de 300 ciclistas déronse cita este sábado nas vibrantes rúas do centro do Porriño para participar na clásica "A Nocturna", un evento que desde hai 54 anos abre a programación das Festas do Cristo. A competición, organizada polo Club Master Louriña en colaboración co Concello do Porriño, tense consolidado como unha das probas ciclistas máis emocionantes do calendario nacional. A competencia é dura, pero o apoio do público motiva aos participantes para dar o mellor de si. Unha carreira intensa na que cada volta é un desafío.
As Festas do Cristo do Porriño comezan este domingo coa carreira ciclista “A Nocturna 2024”, e rematan o 29 de setembro coa tradicional Festa dos Callos e a final do certame “Tes Talento?”. Serán 30 días con máis de 100 actividades para público de todas a idades e todos os gustos: actividades infantís e familiares, aeromodelismo, graffiti, monólogos, teatro, presentacións de clubs deportivos, carreiras a pé, de ciclismo e motos, flashmob, e moitos e diversos espectáculos musicais, incluidos os festivais Negrita, Louro Valley e o Montando Cristo, ademais das tradicionais verbenas.
As Festas do Cristo do Porriño contarán cunha pregoeira de excepción neste ano de celebración do Centenario da Casa Consistorial: Juana da Cruz Domínguez, “Juaniña”, unha das súas veciñas máis queridas e lonxevas, que pronto celebrará tamén o seu centenario.
A única proba ciclista de España que abarca todas as categorías, “A Nocturna”, correrase polas rúas do Porriño este sábado 31 de agosto a partir das 16 horas. A carreira chega á súa LIV edición, con só dous anos de ausencia desde o seu debut no 1968. Conta con diversas probas para ciclistas a partir de 8 anos de idade e a organización espera superar, un ano máis, os 300 participantes.
A praza Arquitecto Antonio Palacios tinguiuse hoxe de vermello para presentar ao primeiro equipo feminino Club Balonmán Porriño. O Conservas Orbe Zendal Bm Porriño presentou as súas xogadoras e corpo técnico para esta tempada arroupado pola súa base e patrocinadores. O acto de presentación contou coa presencia do alcalde, Alejandro Lorenzo, o director da Axencia de Turismo de Galicia -patrocinadora do equipo-, Xosé Manuel Merelles, o presidente do club, Abel Estévez, e a vicepresidenta da Federación Galega de Balonmán, Carla Abad. Tamén os acompañaron representantes dos principais patrocinadores do equipo de División de Honra Feminina, Vanesa Andrade, Directora Xeral de Zendal, e Marta Mondina, responsable de márketing de Conservas Orbe.
A noite de onte será difícil de olvidar para moitos veciños e veciñas do Porriño e arredores, e turistas e peregrinos, que asistiron á homenaxe a Caballé e Pavarotti “Querida Montserrat, querido Luciano”, na praza do Arquitecto Antonio Palacios da vila do Louro. O espectáculo, organizado en colaboración coa Deputación de Pontevedra e o Concello do Porriño, conseguiu encher a praza, que vibrou coas actuacións das sopranos Montserrat Martí Caballé, Simona Todaro Pavarotti, María Dolores Crespo Abuín e o barítono Luis Santana. Ao piano, acompañando en todo momento, o pianista madrileño Víctor Carbajo.
O alcalde do Porriño, Alejandro Lorenzo, recibe na Casa Consistorial a Pablo Estévez, o veciño de Atios que obtivo por 5ª vez o recoñecemento como “Mellor enólogo de viños xoves de España” dos Premios Baco, un certame organizado pola Unión Española de Catadores (UEC) que distingue aos mellores viños do país.
